د دې ټولنې راپور کې وړاندې راغلي،چې افغان رسنۍ له مالي پلوه هم له بېلابېلو ستونزو سره مخ دي او د سوداګریزو اعلاناتو له پلوه یې عاید له نشت سره برابر دي.
د بې پولې خبریالانو ټولنې ارزونه ښيي،چې په تېرو څلورو میاشتو کې ۲۳۱ رسنۍ تړل شوې او ۶۴۰۰ خبریالانو له خپلې دندې له لاسه ورکړي دي.
له دې ډلې له هرو پنځو ښځینه خبریالانو څلور یې بې دندې شوي دي.
د بې پولې خبریالانو ټولنه وايي، سږ کال او د طالبانو له بیا واک ته رسېدو وړاندې افغانستان کې ۵۴۳ رسنیو فعالیت درلود،خو اوس ۳۱۲ پاتې دي.
