د بښنې نړیوال سازمان: نړیواله ټولنه دې ژر تر ژره پر افغانستان مالي بندیزونه ختم کړي

د بښنې نړیوال سازمان په راپور کې راغلي،چې په افغانستان کې بشري او اقتصادي وضعیت بحراني دی او له همدې کبله اړتیا ده،چې نړیواله ټولنه د افغانستان په څېر پر یوه بېوزله هېواد مالي فشارونه ختم کړي.

راپور کې پر  نړیوالې ټولنې غږ شوی دی،چې د خلکو د ژوند ژغورلو او بشري بحران مخنیوي لپاره پر افغانستان محدودیتونه او مالي فشارونه پای ته ورسوي.

د بښنې نړیوال سازمان وايي، دمګړی ځينو هېوادونو له افغانستان سره بشردوستانه مرستې کړې،چې بسنه نه کوي او نه هم ډېری دغه مرستې مستحقو کسانو ته رسېدلې دي.

یاد سازممان زیاته کړې ده،چې تر ټولو ښه لاره دا دهؤچې افغانستان له ناورین وژغورل شي او د دغه هېواد کنګل کړې شتمني ازاده شي او د اقتصادي ودې لپاره مرستې ورسره وشي.