د بهرنیو چارو سرپرست وزیر په رسمي سفر ترکیې ته تللی

د افغانستان اسلامي امارت بهرنیو چارو وزارت سرپرست امیر خان متقي د یوه پلاوي پر مشرۍ د چهارشنبې پر ورځ د « ۱۴۰۰ کال د کب پر ۱۸ مه» ترکیې بهرنیو چارو وزیر مولود چاووش اوغلو په رسمي بلنه دغه هېواد ته  سفر کړی دی. 

د بهرنیو چارو وزارت وايي، ټاکل شوې ده،چې متقي به  د دغه هېواد په دیپلوماتیک فورم کې ګډون وکړي.

د ډیموکراسۍ بیا تعریف کولو تر سرلیک لاندې دا فورم د ترکیې په انتالیا ښار کې د روانې میاشتې له یوولسمې تر دیارلسمې نیټې جوړیږي.

بهرنیو چارو وزارت وایي،امیرخان متقي به د فورم ګډونوالو ته د افغانستان په تړاو وینا هم وکړي.

د انتالیا دیپلوماتیک فورم د ترکیې ولسمشر رجب طیب اردوغان په وینا پیل کیږي او د روسیې او اکراین په ګډون به د ګڼو هېوادونو استازي په کې ګډون وکړي.