د بشر حقونو څار سازمان یو ځل بیا افغانستان کې د نجونو ښوونځيو پرانېستلو غوښتنه وکړه 

د ملګرو ملتونو د بشر حقونو سازمان د ښځو برخې مسوولې هیدر بار ویلي، د افغانستان نوی حکومت دې پر ژمنو عمل وکړي او افغان نجونې حق لري، له  شپږم ټولګي پورته خپلو زده کړو ته دوام ورکړي.

هیدر بار له اسلامي امارته غوښتي ،د نجونو  ښوونځیو د پرانېستلو په تړاو دې ژر پرېکړه وکړي، ځکه د تعلیمي کال وخت په کمېدو دی.

هیدر بار له دې وړاندې هم ویلي وو،چې نوی حکومت دې پر ژمنو عمل وکړي او اجازه دې ورکړي،ترڅو افغان نجونې ښوونځيو ته لاړې شي.

اسلامي امارت بیا وايي، ښوونځي تړل شوي نه دي،بلکې د ځینو ملاحظاتو له امله ځنډېدلي،چې ژر به په دې تړاو خپله پرېکړه اعلان کړي.