د بریټانیا دفاع وزیر بین والاس ویلي، له هغه وخته چې دوی افغانستا ن کې پوځي حضور درلودلی، د القاعده ډلې له لوري په بریټانیا کې کوم برید نه دی شوی.
هغه په امریکا کې له خپل سیال لوېډ اسټن سره خبري کنفرانس کې دا هم ویلي، القاعده ډله له تېرو ۱۵ کلونو ځپل شوې او نور د دې توان نه لري،چې دوی ته زیان ورسوي.
په ورته وخت کې والاس دا هم ویلي، افغان ځانګړو ځواکونو روزنه کې د دوی مرسته ګټوره وه.
له ۲۰۰۱ میلادي کال راهیسې په افغانستان کې د بریتانیا په پوځي ماموریت کې د دې هېواد شااوخوا ۱۵۰ زره پوځیانو برخه اخیستې او ۴۵۷ یې وژل شوي دي.
له بل لوري داسې راپورونه هم شته،چې بریټانیا غواړي افغانستا کې د خپلو ډيپلوماټیکو ادارو د خوندیتوب لپاره ۱۰۰ سرتېري پریږدي،خو تر اوسه پورې د بریټانیا دفاع وزارت د دغه خبر رسمي پخلی نه دی کړی.
