والاس زیاتوي:«ناټو هلته وه او د خپل شتون پر مهال یې کولای شول، د سیاسي هلو ځلو ملاتړ وکړي، خو هغوی په دې کې ناکام شول. زموږ ځواکونه تر ډېره هلته وو او کولای یې شول، چې د سیاسي ماحول امنیت ونیسي. خو کله چې ناټو خپل ځواکونه راوېستل، نو موږ فکر کاوه، چې سیاسي او ډيپلوماټیکې هڅې به دوام وکړي، خو هغوی بیا هېڅ ګټه ونه کړه او بې اغیزه شوې. له دې سره د لوېدیځو تصمیم هم له ناکامۍ سره مخ شو.»
بن والاس زیاته کړې ده، چې د ناټو دغه دریځ اوس د ناټو غړي هېوادونه او په ځانګړې توګه لوېدیځ له ډېرو پوښتنو سره مخ کړي دي.
هغه په دې نظر دی، چې ناټو په ۲۰۱۴ کال کې له پوځي پلوه خپل لاس له افغان جګړې اېستلی و او یوازې روزنه یې کوله، خو له سیاسي پلوه هم هغه مهال له افغانستانه ووتل، چې په ۲۰۲۰ کال کې د ټرمپ حکومت په دوحه کې له طالب مشرانو سره هوکړه لاسلیک کړه.
