د برازيل حکومت وايي چې ولسمشر بول سورانو بايد د کوېډ-۱۹ وبا له امله د رامنځته شويو محدوديتونو څخه د سر غړونې په پار جريمه تحويل کړي.
د برازيل روغتيا وزارت وايي، ولسمشر په عامه ځايونو کې په داسې حال کې ليدل شوی چې وقايوي تدابيرو ته يې پاملرنه نه وه کړې.
برازيل کې له سلو څخه د زياتو کسانو په راټولېدو بنديز دی او همدا راز د ماسک استعمالول جبري دي
د برازیل حکومت وايي، د ولسمشرۍ دفتر پنځلس ورځې وخت لري، چې استناف غوښتنه وکړي او له هغې وروسته به د جريمې پيسو اندازه وټاکل شي.
برازيل د نړۍ په کچه د مړينو له لحاظه دویم هېواد دی چې زياته قرباني يې ورکړې.
برازیل کې نږدې څلور نيم سوه زره کسان مړه شوي او دغه راز له ۱۶ ميليونو څخه زيات کسان په یادې ناروغۍ اخته شوي دي.
