د ملګروملتونو ډپيلوماټان وايي:« د طالب چارواکو د سفرد بنديزونو په اړه به وروستۍ پریکړه راتلونکې دوشنبې ورځ کيږي او امکان لري،چې په ټولو دريارلسو طالب چارواکو د سفر بنديزونه بیا ولګول شي.»
د سیاسي چارو شنونکي بیا وايي،که د اسلامي امارت پر مشرانو د سفر بنديزونه ولګول شي،نو اسلامي امارت له د نړيوالو سره له اړيکو او سياسي پرمختګ پاتې کيږي.
دوی په دې باور دي،چې د ښځو حقونو ته نه درناوی او د ښوونځيو نه پرانېستل هغه لاملونه دي،چې ښايي د اسلامي امارت مشران بیا د سفر له بنديز سره مخ کړي.
د سیاسي چارو شنونکی بلال فاطمي وايي:« اغلب ګمان دادی،چې بندِزونه به تمدید شي او بنديزونه به زيات هم کړل شي،په ټولو مشرانو باندې ځکه،د هغوې شرط دادی،چې د ښځو حقوق او د ښوونځي نه وي خوشې کړل شوي، د اسلامي امارات پر مشرانو بنديز بايد ولګول شي او دا د نړۍ د ډېری هېوادونو غوښتنه ده، چې دا بنديز دې نه یوازې تر دوحې پورې هم نه ورکول کيږي،بلکې دادې مطلقاً بند شي. دوی ته دې دا نه تمديږي،ځکه دوې له نړۍ سره خبرې په هغه توګه نه کوي،چې څه ډول ورته اړتیا ده.»
ځینې نور بیا غوښتنه کوي،چې اسلامي امارت دې د سياسي پرمختګ لپاره د نړيوالو مشروع غوښتنې ومني او ټول هغه نړيوال قوانين دې عملي کړي،چې د نړۍ له هېوادونو سره د اړيکو په پرمختګ کې د پام وړ دي.
د سیاسي چارو شنونکی مطيع الله خروټی وايي:« اسلامي امارت هم که همدغه اصل نه پیروي وکړي او خپلو داخلي قوانيونوپه څنګ کې د نورو اسلامي هېوادونو غوندې د بین المللي قوانيونو هم مطابعت وکړي، زه فکر کوم،دغه بنديزونه به ډېر ژر حل شي او افغانستان به هم پر رسميت وپیژندل شي.»
د ويلو ده،چې په دوحه کې د اسلامي امارت او امريکا ترمنځ د سولې مذاکراتو د پیل په موخه ۱۳ طالب مشرانو ته د سفر کولو اجازه ورکول شوې وه،چې هر ځل د درې او شپږو مياشتو لپاره ياده اجازه تمدید شوې وه.
