شیخ هیبت الله اخوندزاد ه:« موږ د امریکامتحده ایالتو په ګډون له ټولې نړۍ سره د متقابل تعامل او تعهداتو په چوکاټ کې ښې او پیاوړې ډیپلوماټیکې، اقتصادي او سیاسي اړیکې غواړو او دا ټولو جهتونو په خیر بولو.»
دغه راز په پیغام کې ډاډ ورکړل شوی دی،چې افغان خاوره به د هېچ چا پر ضد نه کاریږي.
شیخ هیبت الله اخوندزاده:« موږ ګاونډیو او د سیمې هېوادونو ته پوره ډاډ ورکوو، چې افغانستان به هیچا ته اجازه ورنه کړي، چې زموږ له خاورې په استفادې د نورو هېوادونو امنیت ته ګواښ پیښ کړي. همدا له نورو هېوادونو څخه هم غواړو،چې زموږ په داخلي چارو کې هیڅ ډول مداخله ونه کړي.»
د اسلامي امارت مشرتابه پیغام کې ویل شوي،چې دوستي او دوښمني یې د اسلامي اصولو په بناء ده، چا سره ذاتي دښمني نه غواړي او غیږه یې د هېوادوالو پر مخ خلاصه ده.
شیخ هبت الله اخوندزاده:«دا چې له بهره افغانان د بېرته راتګ په حال کې دي، نو د تماس کمېسیون ته لارښوونه کوم،هغه افغانان چې هېواد ته راځي، له هغوی سره ټولې شوې ژمنې پوره کړي، د هغوی سر، مال او عزت ته څوک زیان درنه ونه رسوي.»
شیخ هیبت الله اخوندزاده ویلي، سږ کال لوی اختر په داسې حالت کې لمانځي،چې شل کاله وروسته یې ټول هېواد په خپل کنټرول کې دی او ټول ولس د امن، ارام او ورورولۍ په فضاء کې ژوند کوي.
