د ایران ټاکنو کمېسيون د دغه هېواد د راتلونکو ولسمشريزو ټاکنو لپاره اوه نوماندان تائيد کړل، او ټاکل شوې چې ټاکنې به د جون مياشتې په اتلسمه نېټه تر سره شي.
د ايران ولسمشريزو ټاکنو ته د دغه هېواد د قضايه قوې مشر ابراهيم رئيسي هم ځان نوماند کړی او د څار ادارې زيات شمېر کسان له دغه ليست څخه بهر کړي هم دي.
ويل کېږي، چې ابراهيم رئيسي د ايران د ستر مذهبي مشر ايت الله علي خامنه يي نږدې کس دی، چې د ۲۰۱۷ کال په ټاکنو کې يې ماته خوړلې وه.
د يادولو وړ ده، چې د ټاکنو د څار ادارې د اوسني ولسمشر مرستيال اسحاق جهانګير او پخوانی ولسمشر محمود احمدي نژاد هم د نوماندانو له نوملړ بهر کړي دي.
دغه ټاکنې به د راتلونکې جون مياشتې په اتلسمه نېټه تر سره او ګټونکی به يې د اوسني ولسمشر حسن روحاني ځای ناستی شي.
