افغان حکومت د امریکا، بریټانیا او اروپايي ټولنې هغې اعلامیې ته غبرګون وښود، چې د انتقالي ټولشموله حکومت غوښتنه په کې شوې وه.
ولسمشرۍ ماڼۍ ویلي، د افغان حکومت او افغانانو غوښتنه سرتاسري اوربند، سیاسي توافق او د ټاکنو له لارې د واک لیږد دی.
که څه هم د بهرنیو چارو وزارت د یادې اعلامیې هرکلی کړی، خو ولسمشرۍ ماڼۍ وايي، پرته له ټاکنو د واک لېږد نا ممکن دی او طالبان دې له جګړې لاس واخلي.
تحلیل کوونکي وایي، ښايي افغانستان کې په راتلونکو درې میاشتو کې یو لوی بدلون راشي او د دې لپاره سیمه ییزه او نړیواله اجماع کې توافق راغلی دی.
