افغانستان کې د سرتېرو کمېدل به پر وضعیت اغېز ونه کړي.
امریکايي سناټور لېنډسي ګراهم چې کابل ته راغلی دی، افغانستان کې یې د سرتېرو له کموولو هرکلی کړی او ویلي، یې دي چې د امریکايي سرتیرو کمېدل به پر وضعیت بد اغېر ونه کړي.
هغه د ټرمپ ادارې د هغې پرېکړې هرکلی وکړ چې له مخې به یې به یې افغانستان کې د امریکايي سرتیرو شمېر ۸۶۰۰ ته راکم شي.
ګراهم ویلي، افغانستان کې امنیتي ځواکونه پیاوړي شوي دي.
ګراهم تمه ښودلې چې د ټاکنې پایلې به اعلان شي او نوی حکومت به یو پیاوړی مذاکراتي ټیم وټاکي.
ګراهم چې تر دې دمخه پاکستان ته تللی و، ټینګار یې کړی چې ټرمپ له عمران خان سره ښې اړیکې لري.
ګراهم ویلي، د پاکستان وروستۍ موخه دا ده چې له امریکا سره اقتصادي اړیکې پیاوړي کړي.
ګراهم د طالبانو وروستیو بریدونو ته په اشارې ویلي، چې طالبان د سولې خبرو کې جدي نه دي.
ګراهم د سرتېرو وتل د افغانستان د وضعیت پورې تړلی وباله او ویې ویل، چې له افغانستانه د ټولو سرتېرو ایستل د امریکا د ملي ګټو خلاف عمل دی.
ګراهم ټینګار کړی چې افغانستان اوس بدلون کړی او د ۲۰۰۱ کال هېواد نه دی او د سرتېرو اېستلو په تړاو پرېکړه باید مسولانه وي.
