د افغان پیلوټ تېروتنې؛ ډېلي هوايي ډګر کې هندي پوځیان ووېرول .
په نوي ډیلي کې دآریانا افغان هوایي شرکت یوه الوتکه دوه ساعته تر پلټنو لانده وه .
د آریانا افغان هوایي شرکت پیلوټ د نوي ډیلي په هوایي ډګر کې په تېروتنې سره د برمته کېدو ټنۍ کېکاږلې وه .
هندي رسنۍ وایي، د پیلوټ د دغې تېروتنې له امله د هوایي ډګر شاوخوا سیمې کلابندې او ځانګړي ځواکونه سیمې ته رسېدلي وو.
د رسنیو په حواله سره له دې چې پيلوټ خپله تېروتنه منلې وه خو بیا هم دوه ساعته څېړنې وشوې او بلاخره اجازه ورکړل شوه چې الوتکه کندهار ته الوتنه وکړي.
په دغه الوتکه کې د یو ماشوم په ګډون ۱۲۵ مسافر او د الوتکې ۹ عمله سپاره وو.
په الوتکه کې یوه ټنۍ داسې ده چې کله الوتکه برمته کېږي پیلوټ دغه ځانګړې تڼۍ کېکاږي.
