ملي دفاع وزارت ژمنه وکړه چې د افغان پوځ روغتیايي برخې لپاره ځانګړي امکانات برابروي.
د ملي دفاع وزارت سرپرست اسدالله خالد چې د افغان پوځ د روغتیايي برخې د نوي قومندان پېژندنې په مراسمو کې خبرې کولې ومنله چې روغتیایي برخه کې افغان پوځ مشکلات لري.
دفاع وزارت سرپرست د سردار محمد داوود خان روغتون د روغتیايي برخې پخواني مشر عبدالرزاق سیاوش له هڅو ستاینه وکړه او له حشمت الله نوابي یې وغوښتل چې د سرتیرو روغتیا ته پاملرنه وکړي.
سردار محمد داوود خان روغتون د روغیتايي برخې پخوانۍ قومندان عبدالرزاق سیاوش له دندې لیرې او پر ځای یې حشمت الله د ستر درستیز روغتیا برخې قومندان وګمارل شو.
دفاع وزارت وايي، چې د افغان پوځ د روغتیا لپاره ځانکړي امکانات برابر شوي او په دې برخه کې به د ټولو سرتېرو ستونزې هوارې شي.
د افغان پوځ د روغتیايي برخې نوي قومندان ژمنه وکړه، چې په ټولو ولایتونو کې به د سرتېرو روغتیا لپاره جدي پاملرنه کوي.
ملي دفاع وزارت د عبدالرزاق سیاوش له هڅو او کړنو ستاینه وکړه او له نوي قومندان څخه یې وغوښتل، چې د افغان سرتېرو روغیتا لپاره خپلې هڅې ګړندی کړي.
