د کانونو وزارت وايي لا هم د افغانستان په کانونو زورواکي حاکم دي.
د افغانستان کانونه د جګړې لپاره کارېږي
د کانونو وزیره وايي، د هېواد په ډیری کانونو اوس هم د حکومت وسه وال مخالفین او زورواکي واکمن دي چې د خپلو ګټو لپاره یې کاروي.
د دغه وزارت د چارواکو په وینا د امنیتي ننګونو سره سره یې د کانونو تثبیت لړۍ ته دوام ورکړی او تر دې دمه یې یو نیم زر ډول ډول کانونه په نښه کړي دي.
د کلیو پراختیا وزارت بیا د زرګونو پروژو د پلي کولو سربیره ادعا کوي چې کاري فرصتونه یې برابر کړي دي.
ملت ته د حساب وروکولو لړۍ کې دا ځل د کانونو او پټرولیم وزارت،د کلیو بیا رغونې او پراختیا وزارت د درملو چارو د تنظیم ملي اداره او نفتي موادو او او اوبلن ګاز اداره رسنیو مرکز ته راغوښتل شوي چې خپل د تېر کال کړنې او راتلونکي پلانونه له رسنیو سره شریک کړي.
د نفتي توکو او ګازو د تنظیم اداره میلیونونه افغانۍ عواید افغان دولت ته ورکړي خو دا هم تاییدوي چې لویدیځو ولایتونو کې د غیر قانوني نفتو قاچاق لړۍ جریان لري.
د کانونو او پطرولیم وزارت بیا د تېرو پروژو په مدیریت کار کوي، چې تر اوسه یې ۱۴۲۳ کانونه تثبیت کړي خو د دی وزارت وزیره زیاتوي چې د زورواکو شتون د دې لامل کیږي چې د دې معادنونو څخه د دولت په ضد ډیر کار واخیستل شې.
د درملو چارو تنظیم اداره وایې چې تراوسه د درملو څار یوازې یو لابراتور شتون لري چې دا هېواد ته د ټولو درملو د څار لپاره بسنه نه کوي.
له دی سره د کلیو بیارغونې او پراختیا وزارت وایي چې ۱۰۰۶ پروژې بشپړې کړي دي او په یادو پروژو کې یې یو سل او څلوېښت زره کسانو ته کاري فرصتونه برابر کړي چې سل زره یې ښځي دي.
