Skip to content
د پاکستان په پلازمېنه اسلام اباد کې د سعودي عربستان په ابتکار رابلل شوې د اسلامي همکاریو سازمان ناسته د یکشبنې پر ورځ د « ۱۴۰۰ کال د لېندۍ پر ۲۸ مه» پای د یوه تړون په خپرولو سره پای ته ورسېده،چې له پنځوسو زیاتو هېوادونو او سازمانو استازو په کې ګډون درلود.
د ناستې ګډونوالو په پای کې یو تړون تصویب کړ،چې په کې افغانستان کې د بشري ناورین د مخنیوي غوښتنه شوې او طالبانو ته هم ځېنې سپارښتنې شوې دي.
تړون کې راغلي دي،چې یاد سازمان به د افغانستان لپاره ځانګړی استازی ټاکي او همدا راز به له دې هېواد سره د بشري مرستو لپاره یو مالي صندوق هم جوړوي.
تړون کې له اسلامي امارته غوښتنه شوې ده،چې د حکومت په نورو برخو کې د ټول شمولیت اصل ته پام وکړي او ښځو ته دې هم حقونه ورکړي.
د مالوماتو له مخې،تړون کې دا یادونه هم شوې،چې افغانستان کې د بشري ناورین مخنیوي لپاره باید د دې هېواد کنګل شوې شتمنۍ ژر تر ژره خوشې شي.
