د افغانستان نامتو سندرغاړی استاد ګل زمان  ومړ 

د افغانستان پښتو ژبې نامتو  سندر  غاړی او کمپوزیتور استاد ګل زمان نن شنبه د« ۱۴۰۰ کال د کب پر ۷ مه»د ۸۴ کالونو په عمر له نړۍ سترګې پټې کړې.

استاد ګل زمان د ژوند ډېره برخه د افغانستان موسقۍ ته ورکړې وه.

 هغه  په سلګونو سندرې جوړې او ویلي دي،چې ډېره برخه یې ملي ترانې او ولسي سندرې دي.

 نومړي له افغانستان  سربېره د نړۍ په بېلا بېلو هېوادونو کې کنسرتونه جوړ کړي وو او په افغانانو کې یې ځانګړی ځای درلود.

استاد اصلن د پکتیا ولایت اوسېدونکی  وه، خو ډېر وخت یې کابل کې تېر کړی. 

استاد د ژوند په وورستیو کې له سختو اقتصادي ستونزو سره مخامخ شوی او ناروغه هم و.