منځنۍ اسیا ته د افغانستان له لارې د هند توکو لومړنۍ جوپه،چې حیواني غوښه او بوره په کې بار ده،د پاکستان له لارې افغانستان او د چهار شنبې پر ورځ د «۱۴۰۰ کال د کب پر ۲۵ مه» له افغانستانه ازبکستان ته .روانه شوه
د افغانستان اسلامي امارت صنعت او سوداګرۍ وزارت سرپرست نورالدین عزیزي وايي، هغه هیله چې افغانستان به د اسيا د ټرانزيټ او سوداګرۍ په څلور لارې بدل شي، د پوره کېدو په درشل کې ده.
غزیزي وايي: لکه وختي مې چې وویل، افغانستان د سوداګرۍ او ترانزيټ څلورلارې ده او باید دا خبره شعار نه وي، له دې باید حقيقي استفاده وشي. موږ په دې برخه کې سوېلي اسيا، ایران او د کراچۍ بندر له لارې چې کوم هېوادونه غواړي،سوداګري وکړي او وغواړي توکي انتقال کړي، موږ په دې برخه کې ټول خنډونه حل کړي.»
د خصوصي سکتور استازي بیا دغه ګام د افغانستان د ټرانزيټ له پاره مهم بولي او وايي، په دې سره به افغانستان د منځنۍ او سويلي اسيا هېوادونو سره خپلې ټرانزيټي اړيکې لا پیاوړې کړي.
د خصوصي سکتور استازی شفيق اعطايي وايي:« مرکزي اسيا،چې د صنعت برخه کې کار کوي، لاره یې افغانستان ده. خوشبختانه،چې نن د يوې جوپې په شتون سره یې وښوده، چې افغانستان دې برخه کې ژمن دی،په ځانګړې توګه د مرکزي او سوېلي اسيا تر منځ په سوداګرۍ او صنعت کې، دا چاره به له افغانستان سره په سوداګرۍ کې مرسته وکړي.»
د افغانستان د ځمکني ټرانسپورټ مسوولین بيا وايي، د يادې چارې له پاره يې ټول امکانات په کار اچولي او دوی ژمن دي،چې باروړنکو موټرو ته لا ښه زمینه او سهولت برابر کړي.
د ترانسپورتي شرکتونو ټولنې مشر طلامحمد اتمانزی وايي:« د ترانسپورت سهولتونو کې افغانستان کافي امکانات لري، ان له خپلې اړتیا دوه برابره زيات وسایل او امکانات لري، ښه وسایط لري او د هر له ډول جغرافيې سره يو رقم وسایط لري. بدبختانه چې تېرو دورو کې د ترانسپورټ وزارت او ادارې هيڅ کار نه دی کړي.»
د صنعت او سوداګرۍ وزارت د مالوماتو له مخې، ټاکل شوې ده،راتلونکې اوونۍ ازبکستان کې د افغانستان، پاکستان او ازبکستان د سوداګرۍ د پراختيا په موخه يوه ګډه درې اړخېزه اقتصادي ناسته هم تر سره شي.
