د ایران بهرنیو چارو وزیر، محمد جواد ظریف افغانستان کې د روان وضعیت په تړاو اندېښنه ښودلې او زیاته کړې یې ده چې هڅه کوي له ګاونډیو هېوادونو سره په ګډه افغانستان کې تاوتریخوالي ته د پای ټکی کېږدي.
ښاغلي ظریف ویلي، (( د افغانستان وضعیت په تړاو ډېر اندېښمن یو، موږ تیار یو چې د افغانستان له حکومت او له ګاونډیو هېوادونو سره په ګډه کارو وکړو چې افغانستان کې تاوتریخوالي ته د پای ټکی کېږدو))
د ښاغلي ظریف دغه څرګندونې وروسته له هغه کېږي چې ولسمشر ټرمپ له طالبانو سره د سولې خبرې ودرولې.
