قاسمي وايي، دا ثابتوي،چې په دې وروستیو کې ښځینه خبریالانې کمې شوي او دندې یې له لاسه ورکړي.
قاسمي زیاته کړه:« سره له دې چې د خبریالانو پر وړاندې ستونزې شته دی، خو بیا هم ۹۱ سلنه خبریالان له خپل کاري انتخاب څخه راضي دي او یوازې ۴ اعشاریه ۴۴ راضي نه دي.»
د افغانستان د رسنو بنسټ د خبریالانو بد اقتصادي وضعیت، د رسنیز فعالیت کمېدل، د دندو له لاسه ورکول، تاوتریخوالی او داسې نور د رسنیو او خبریالانو د کاري ژوند برخه کې مهمې ستونزې یادوي.
قاسمي له نړیوالې ټولنې او اسلامي امارت غوښتنه لري،چې د خبریالانو د ژوند او اقتصادي وضعیت ښه کېدو لپاره لاس په کار شي.
هغه زیاته کړه:« افغانستان کې د بیان له ازادۍ انکار نه کېږي،نو وړاندیز کوو،چې اسلامي امارت دې د بیان ازادي په یوه قانوني طرحه کې رامنځته کړي،چې خبریالان په ارام او راحت احساس سره خپلو کارونو ته دوام ورکړي.»
د دغې څېړنې پایلې داسې مهال رسنیزې کېږي،چې په تیرو شلو کلونو کې یو شمېر د رسنیو ملاتړو ادارو افغانستان کې فعالیت کړی،خو څوک یې له فعالیت راضي نه دي او نیوکه کوي،چې هغوی د خپل ځان او خپلو کورنیو لپاره امتیازات ترلاسه او هېواد یې پرېښود.
