Skip to content
د اسلامي هېوادونو د همکارۍ سازمان افغانستان ته خپل استازي رالېږي، چې افغانستان کې د بحران د حل او افغانانو ترمنځ د ملي پخلاینې لپاره کار وکړي.
دغه سازمان تېره ورځ په افغانستان کې د روان وضعیت په تړاو ځانګړې ناسته کړې ده.
د اسلامي هېوادونو د همکارۍ سازمان یا «او ای سي» په افغانستان کې د ټول منلي حکومت د رامنځته کولو غوښتنه کړې ده.
دغه راز د یاد سازمان په ناسته کې د افغانستان له راتلونکې مشرتابه او نړیوالې ټولنې غوښتنه شوې، چې افغانستان دې د ترهګرو ډلو په خوندي ځای نه بدلېږي.
یاد سازمان ویلي، افغانان دې له تاوتریخوالي لاس واخلي، په ګډه دې کار وکړي او د افغانانو امنیت دې خوندي کړي.
د اسلامي هېوادونو د همکارۍ سازمان پر خپلو غړو غږ کړی، چې له اړمنو افغانانو سره بیړنۍ مرستې وکړي.
