Skip to content
د احصایې او معلوماتو ملي ادره وايي،د درې میليونه نويو برښنايي پیژند پاڼو د چاپ قراداد يې د جي.ټي.آر په نوم کوريايي کمپنۍ سره کړی او راتلوونکې اوونۍ به يې ۵۰۰ زره برښنايي پېژند پاڼې هېواد ته راورسيږي.
په نويو پیژند پاڼو کې د کورينو چارو وزارت پرځای د احصایې او مالوماتو ملي ادارې نوم ليکل شوی دی.
د یادې ادارې سرپرست ډاکټر فقیر محمد زیار وايي، په نويو پیژندپاڼو کې د ولسوالۍ نوم او تمديد نيټه اضافه شوې.زيار زیاته کړې:« پېژندپاڼې په تمامه مانا ختمې شوې نه دي،کار پر ټپه نه دی ولاړ، کار روان دی. د دې لپاره،چې دا يوه دومدار پروسه ده او ډېرو پېژندپاڼو ته موږ هر وخت ضرورت لرو، بار بار به اډر ورکوو، نو اوس وخت کې تقريباً درې میليونه پېژندپاڼې اډر ورکړی دی او هغه به ان شاء الله ټولې راورسيږي.»
زیار وايي، په تير کال کې یې د مرکز په شمول د هېواد په ټولو ولايتونو کې ۶۸ د برښنايي پیژند پانو د ويش مرکزونه فعال ساتلي او دوه میليون وګړو ته يې نوې پیژند پاڼې ويشلي دي.
هغه زیاته کړه:«د برښنايي پېژندپاڼو ويش ۶۸ څانکې او مرکزونه مو فعال کړي دي،چې له دې جملې ۱۵ د ویش څانګې په کابل ښار او نورې ۵۳ په ولایتونو کې هېوادوالو ته د برښنايي پېژندپاڼو اړوند خدمتونه وړاندې کوي.»
په ورته وخت کې زیار وايي، په تير يوه کال کې د برښنايي پېژندپاڼو د ويش خدمتونو ترسره کولو له امله يو میليارد او ۶۰میلیونه افغانۍ عوايد ترلاسه کړي دي.
د يادې ادارې مسولين ډاډ ورکوي،چې په راتلونکې کې هڅه کوې،تر څو د هېواد ټولو وګړو احصائیه معلومه کړي او د بهر ميشتو افغان اتباعو ته د برښنايي پېژندپاڼو ويش پروسه پیل او په ولایتونو کې د برښنايي پیژندپاڼو د ويش مرکزونه زيات کړي. د دوی په خبره، د نویو پېژندپاڼو چاپ او رارسیدو سره سم به په مرکز او ولایتونو کې د پيژندپاڼو د ویش بهیر پيل کړي.
