امریکا وايي، د افغانستان جګړه پای ته رسوي او هلته به د پوځیانو شمېر را کم کړي.
د امریکايي پوځيانو درې سوه کسیزه ډله خپل هېواد ته ستنه شوه.
دغه درې سوه کسيزه پوځي ډله د کلوريډا ايالت نظامي اډې غړي وو، چې په کې د عامو پوځيانو سربېره، پيلوټان، د افغان پوځ سلاکاران او روزونکي هم شامل وو.
امریکايي چارواکو ويلي، دوی هيله لري، چې د افغانستان اتلس کلنه جګړه له سولهييزې لارې پای ته ورسوي او خپل ټول پوځيان بېرته خپلو کورونو ته ستانه کړي.
د امریکا د بهرنيو چارو وزير مايک پامپيو ويلي، ولسمشر ډونلډ ټرمپ غواړي، د افغانستان جګړه پای ته ورسوي او هلته د پوځيانو شمېر راکم کړي.
په دوحه کې د امریکا او طالبانو ترمنځ په روانو خبرو کې پرمختګونه شوي، دواړه لوري د بهرنيو پوځيانو په وتلو سلا شوي، خو د وتلو مهالوېش په اړه لا هم اختلافات پر خپل ځای پاتې دي.
