د ولسمشر دویم مرستیال وايي، طالبان دې د سولې خبرو په لړ کې پر افغان ځواکونو بریدونه ودروي.
د طالبانو هغه خوبونه به په حقیقت بدل نه شي چې د امنیتي او دفاعي بنسټونو د له منځه وړلو لپاره یې لیدلي دي.
د ولسمشر دویم مرستیال سروردانش چې د تفتیش عالي ادارې ته یې نوی رییس معرفي کو، یو ځل بیا پر طالبانو غږ وکړ چې د سولې د خبرو جریان دې پر افغان ځواکونو بریدونه ودروي.
د تفتیش عالي ادارې رییس چې ۱۶ کاله یې دنده کړې وه، لیرې او پر ځای یې نعیم حقمل کار پيدا کړ او د شفافیت ژمنه یې وکړه.
د تفتیش عالي ادارې ته د نوي رییس معرفي غونډه ده، خو د ولسمشر د دویم مرستیال د خبرو تمرکز د سولې په خبرو او د طالبانو په بریدونو و چې ګنې طالبان غواړي امنیتي او دفاعي بنسټونه له منځه یوسي.
د پلټنې عالي ادارې نوي رییس محمد نعیم حقمل ژمنه وکړه، چې د شفافیت او حساب ورکولو دود به رامنځ ته کوي او په دې برخه کې به له ټولو تجربو ګټه واخلي.
د پلټنې اداره د ناقانونه، ناموثرو، بی ګټو، غیرې اقتصادي او نورو ناسمو مالي، حسابي او اقتصادي فعالیتونو نیمګړتیاوې په نخښه کوي او حل لار ورته پيدا کوي.
ټینګار دا دی چې دا اداره دې په بې پرې ډول کار وکړي چې له فساد سره مبارزه جدي او چټکه شي.
