افغانستان کې نالوستۍ سترو ناخوالو ته لار پرانیستې ده.
د ولسمشر دویم مرستیال سرور دانش وایي، که څه هم هر کال زرګونه ځوانان له لوړو زدکړو فارغېږي خو بیا هم میلیونونه افغانان له زدکړو لرې پاتې دي.
اوس د پوهنې وزارت سواد زدکړي معینیت سره ځیني شخصي او دولتي موسسې کار کوي چې د نالوستو کچه راټيټه او خلکو ته د وړیا زده کړو خدمات وړاندي کړي.
د پوهنې وزارت د سواد زدکړي معینیت انديښنه لري چې هر کال د سواد زده کړو لپاره ښه پلانونه لري، خو کافي بودجه ورسره نشته.
له دې سره د کډوالو وزیر سید حسین عالمي بلخي بیا نیوکه وکړه چې هر کله د سواد ګراف د لوړولو لپاره هوکړې شوي، خو عملي شوي نه دي.
چټکو او لوړو زده کړو ډيرو ولایتونو کې ښه پایله ورکړې او زیات شمېر کسان یې لوستي کړي، خو لا هم په دې برخه کې ډیر کار پکار دی چې د جګړې سیمو کې خلک له بې سوادۍ خلاص کړي.
