د خوست ولایت په تڼیو ولسوالۍ کې د ډيورنډ فرضي کرښې ته څېرمه شاوخوا۳۵۰ هکټاره ځنګل، چې د تېرو جګړو پرمهال په بشپړ ډول له منځه وړل شوی و، د غوزانو يا چهارمغزو ۳۵۰۰۰ نیالګیو په کېنولو سره یې د بیا رغول کېدو هڅه پیل شوې.
د افرین موسسې سیمه ییز سوپروایزر احمدیار وايي: « موږ په ساحه کې ګرځو، هغه ونې چې له تخریب سره مخ وي څارنه یې کوو، د تخریب شویو ونو پر ځای بېرته نوي نیالګي کېنوو او اوسمهال په کاري ساحه کې د ونو ښاخونو په پرې کولو بوخت یو. هغه ونې چې وچې څانګي لري موږ یې دا څانګې پرې کوو، ترڅو ونې ښه وده وکړي.»
د دغه ولایت اوسېدونکي وايي، که څه هم په تېر کې د غربت او ځېنو نورو ستونزو له امله اکثره ځنګلونه وهل شوي؛ خو په خبره یې په کار ده چې حکومت د ځنګلونو د وهلو پر وړاندې جدي عمل وکړي.
دوی دغه راز تمه ښيي، چې اړونده ادارې به د ځنګلونو د بیا احیا په برخه کې ورسره همکاري وکړي.
د خوست یو تن اوسېدونکی وايي: « بس که ان شاءالله دا ځنګل وشو د چهارمغزو ځنګل دی؛ نو زموږ د خلکو غربت به بیخي له منځه لاړ شي او ډېرو خلکو ته به د دې پروژې ګټه ورسېږي.»
د خوست کرنې ریاست د طبیعي سرچینو امر کمال الدین که څه هم د ځنګل وهنې د مخنیوي په تړاو د هڅو ډاډ ورکوي خو وایي، سربېره پر دې یې تېر کال د دغه ولایت په بېلابېلو ولسوالیو کې نږدې زر هټکاره ځنګل هم له سره رغولی او هڅه یې پیل کړې څو د شته ځنګلونو د ساتنې ترڅنګ روان کال هم یاده لړۍ روانه وساتي.
کمال الدین زیاتوي: « خوست کې په ۱۴۰۲ کال کې په سلګونه زره نیالګي کېنول شوې دي او زر هټکاره شاوخوا نوی ځنګل رغول شوی دی.»
خوست کې چې د هېواد پر کچه په کې ډېر ځنګلونه شته، د مخکنېي حکومت پرمهال هم د ځنګل وهنې د مخنیوي په برخه کې هڅې شوې وې.
اوس چې د سرپرست حکومت لخوا د لرګیو او ځنګلونو پر پرېکولو بندیز لګېدلی، خلک هیله من دي چې ګوندې دا ځل به د پاتې ځنګلونو د وهل کېدو مخنيوی وشي.
د خوست ولایت په تڼیو ولسوالۍ کې د ډيورنډ فرضي کرښې ته څېرمه شاوخوا۳۵۰ هکټاره ځنګل، چې د تېرو جګړو پرمهال په بشپړ ډول له منځه وړل شوی و، د غوزانو يا چهارمغزو ۳۵۰۰ نیالګیو په کېنولو سره یې د بیا رغول کېدو هڅه پیل شوې.
د افرین موسسې سیمه ییز سوپروایزر احمدیار وايي: « موږ په ساحه کې ګرځو، هغه ونې چې له تخریب سره مخ وي څارنه یې کوو، د تخریب شویو ونو پر ځای بېرته نوي نیالګي کېنوو او اوسمهال په کاري ساحه کې د ونو ښاخونو په پرې کولو بوخت یو. هغه ونې چې وچې څانګي لري موږ یې دا څانګې پرې کوو، ترڅو ونې ښه وده وکړي.»
د دغه ولایت اوسېدونکي وايي، که څه هم په تېر کې د غربت او ځېنو نورو ستونزو له امله اکثره ځنګلونه وهل شوي؛ خو په خبره یې په کار ده چې حکومت د ځنګلونو د وهلو پر وړاندې جدي عمل وکړي.
دوی دغه راز تمه ښيي، چې اړونده ادارې به د ځنګلونو د بیا احیا په برخه کې ورسره همکاري وکړي.
د خوست یو تن اوسېدونکی وايي: « بس که ان شاءالله دا ځنګل وشو د چهارمغزو ځنګل دی؛ نو زموږ د خلکو غربت به بیخي له منځه لاړ شي او ډېرو خلکو ته به د دې پروژې ګټه ورسېږي.»
د خوست کرنې ریاست د طبیعي سرچینو امر کمال الدین که څه هم د ځنګل وهنې د مخنیوي په تړاو د هڅو ډاډ ورکوي خو وایي، سربېره پر دې یې تېر کال د دغه ولایت په بېلابېلو ولسوالیو کې نږدې زر هټکاره ځنګل هم له سره رغولی او هڅه یې پیل کړې څو د شته ځنګلونو د ساتنې ترڅنګ روان کال هم یاده لړۍ روانه وساتي.
کمال الدین زیاتوي: « خوست کې په ۱۴۰۲ کال کې په سلګونه زره نیالګي کېنول شوې دي او زر هټکاره شاوخوا نوی ځنګل رغول شوی دی.»
خوست کې چې د هېواد پر کچه په کې ډېر ځنګلونه شته، د مخکنېي حکومت پرمهال هم د ځنګل وهنې د مخنیوي په برخه کې هڅې شوې وې.
اوس چې د سرپرست حکومت لخوا د لرګیو او ځنګلونو پر پرېکولو بندیز لګېدلی، خلک هیله من دي چې ګوندې دا ځل به د پاتې ځنګلونو د وهل کېدو مخنيوی وشي.
