ټاکل شوې د افغان سولې لپاره د امریکا استازی نن یکشنبه کابل ته راشي.
د امریکا او طالبانو د اووم پړاو خبرو وقفه که څه هم اوږده وه، خو ټاکل شوې زلمی خلیل زاد نن کابل ته راشي.
باور کېږي چې خلیلزاد د هوکړې یوه خاکه واشنګتن ته وړې وه چې اووم پړاو کې پرې طالبانو سره لاسلیک کوي.
اوس زلمي خلیل زاد په خپل ټویټر لیکلي چې خبرې نوې پړاو ته داخلیږي او بل ګام اخیستو ته تیار دی.
خلیلزاد داسې ویلي (( په واشنګټن ډي سي کې له لنډو خبرو ورسته مې دا فرصت وموند چې د جرمني له قونسلې او د هند سفیر او د ازبکستان له بهرنیو چارو وزیر سره وګورم او د افغان سولې بهیر په اړه خبرې وکړو. چمتو والی نیسم چې د سولې د خبرو لپاره یو بل ماموریت پېل کړم. ))
قطر کې پخوانی ډیپلوماټ صفت ساپی داسې وايي (( له نوي ماموریت یو هدف همدا دی چې له دې نه وروسته هم امریکایان او هم نور ښکېل اړخونه په سولې پروسه کې وغواړي چې د افغاني مذاکراتو نوي پړاو ته داخل کړي.))
ممکن اووم پړاو د طالب او امریکا د خبرو وروستی پړاو وي چې خپلمنځۍ خبرې پیل شي.
طالبان که امریکا سره د بهرنیو ځواکونو په مهالوېش هوکړه کوي طالبان به هم اوربند اعلانوي او هم به حکومت سره خبرې پیلوي.
تمه کېږي چې امریکا به د سولې پروسه افغانستان کې له ټولټاکنو وړاندې پای ته ورسوي هغه پروسه چې کمپایني دوره یې یوه اونۍ وروسته پیلیږي.
له دې سره سولې شورا د دوحې له ناستې تمه لري چې خبرې به د طالب او حکومت ترمنځ کېږي.
خو د امریکا سناتورانو له امریکایي ولسمشر غوښتي چې طالبانو سره کېدونکې څه ډول سوله غواړي؟ اصلي که جعلي
