د ولسمشرۍ ماڼۍ ویاند صدیق صدیقي نن شنبه خبري غونډې ته وویل، حکومت په جدیت کار کوي څو ولسمشریزې ټاکنې ترسره کړي.
د ښاغلي صدیقي په خبره د سولې هلې ځلې یې د ټاکنو لپاره درولي دي.
د سولې خبرو ته په اشارې صدیقي وویل، له ټاکنو وروسته به منتخب حکومت د سولې خبرې له امریکا متحده ایالتونو سره د یوې جامع طرحې له مخې پیل کړي.
د ارګ ویاند صدیق صدیقي همداراز زیاته کړه، پاکستان په تیرو اتلس کلونو کې د سیمې او نړۍ د ثبات او امنیت لپاره مسولانه اقدمات نه دي کړي.
صدیقي وویل، له خپلو نړیوالو متحدینو غواړو چې پر پاکستان فشارونه زیات کړي څو پاکستان اړ شي په رښتیني توګه د ترهګرۍ پر ضد مبارزه وکړي.
ښاغلي صدیقي زیاته کړې، ټاکنې په ټاکلي وخت ترسره کیږي، څوک چې موقت حکومت غواړي د جمهوري نظام مخالف دي
ټاکل شوې چې ولسمشریزې ټاکنې د تلې یا میزان میاشتې په شپږمه نېټه ترسره شي.
