حکومت تلپاتې سوله غواړي، خو دا سوله د ټاکنو د ځنډ په بیه نه مني .
په ارګ کې چارواکي د اسلامي وحدت ګوند د پخواني مشر عبدالعلي مزاري د وژل کیدو د څلورویشتم تلین په یاد سره راټول شوي و، خو د خبرو تمرکز تر ډيره په سوله او ټاکنو و.
ولسمشر محمد اشرف غني وویل د افغان حکومت په مالکیت د داسې سولې غوښتونکی دی چې لنډه مهاله نه وي او د تل لپاره د افغانانو ژوند په کې خوندي وي .
ولسمشر چې د عبدالعلي مزاري څلرویشتم تلین په مناسبت جوړې شوې غونډه کې وویل لویه مشورتي جرګه به ورته د سولې په تړاو لازمې مشورې ورکړي .
له دې سره یو ځای د ولسمشر دویم مرستیال ویره لري چې که د سولې خبرې بریالۍ شي، طالبان به پرې حاکم شي.
ولسمشر وايي سولې ته ټینګه اراده او چمتوالی لري او په دې موخه به مشورتي لویه جرګه راغواړي چې اجنډا به یې د سولې خبرو لپاره د چوکاټ تعین وي .
اجرایه رییس عبدالله عبدالله بیا د طالبانو او امریکا ترمنځ د مذاکراتو شویو پرمختګونو ته هیله مندي وښوده او زیاته یې کړه چې له هرڅه ورته سوله لومړیتوب لري خو د ولسمشریزو ټاکنو د ځنډ په بیه نه ارزي .
سرور دانش بیا دا ویره هم درلوده که سوله ټینګه شي نو طالبان به یوځل بیا واک ته ورسیږي .
ولسمشرډاډ ښي چې د راتلونکو ټاکنو په ورځ به د خلکو امنیت خوندي کړي او د ټاکنو لپاره به د بودجې غم وکړي.
