ولسمشریزو ټاکنو کې کاریدلې ۴۴ سلنه رایې له درغلیو ډکې دي.
ولسمشرۍ ته نوماند ګلبدین حکمتیار نن دوشنبه کابل کې د خبري غونډې په مهال وویل، اوس مهال ټول جنجال په درې سوه زره رایو دی چې په خبره یې یواځې له ولسمشر غني پرته د ټولو نوماندانو له نظره د باور وړ نه دي.
حکمتیار وویل، ولسمشر غني ځکه دا درې سوه زره رایې معتبرې ګڼي چې دده په ګټه د غیر قانوني لارې کاریدلي دي.
حکمتیار وړاندیز داو چې د ټاکنیزو جرمونو د څیړلو لپاره دې د نوماندانو په سلا یو معتبره پلاوی وټاکل شي څو عاملینو سره قانوني چلند وشي د ښاغلي حکمتیار په باور څارنوالي او ستره محکمه نه شي کولی د ټاکنیزو جرمونو عاملینو ته سزا ورکړي.
حکمتیار د ۲۴۳۲ محلونو د رایو بیا شمیر سره مخالفت وښود چې په خبره یې بایومتریک الې او نور اړین ټاکنیز مواد یې ورک شوي.
