اطلاعاتو او فرهنګ وزارت ۴۰۰ کتابونه د ځانګړي کمېسیون تر ارزونې وروسته چې په کې کابل پوهنتون او علومو اکاډمۍ غړي شامل دي، راټول کړي چې په خبره يې منځپانګه يې د اسلامي شریعت ، ملي یووالي او افغاني ټولنې له ارزښتونو سره په ټکر کې وه.
د دغه وزارت مرستیال ضیا الحق حقملد ممنوعه کتابونو د بدیل ورکولو لړۍ ناسته کې د وینا پر مهال وویل، په دغو کتابونو کې يې داسې کتابونه هم موندل شوي، چې د ملي یووالي له تخریب سربېره د نورو عقیدو لپاره په کې تبلیغ شوی و.
حقمل زیاتوي: « د پردیو افکارو، د اسلام ضد او د افغانیت ضد افکارو، یا زموږ او تاسو د اساساتو، ملي یوالي او وررګلوي ده او د نظام پایښت دی، د هغه په مقابل کې چې کوم شیان دي، د هغې به مخه نیسو. په دې برخه کې تر اوسه شاوخوا ۴۰۰ پورې داسې کتابونه موږ ثبت کړي دي چې هغه زموږ او ستاسو د عقیدې په هره یوه برخه کې خامخا ستونزه لري. موږ ښايي راتلونکې کې دغه لېست له رسنیو او ناشرینو سره شریک کړو.»
په ورته مهال، د کتاب خپرولو ټولنو استازي د سرپرست حکومت له دې پریکړې هرکلی کوي او وايي، د ارزونې کمېسیون له لوري دې د کتاب خپروندویو ټولنو ته د ممنوعه کتابونو په برخه کې ډلبنډي رامنځ ته شي، ترڅو له مخې يې ځینې کتابونه ممکن د دایمي بندیز پرځای سمون ته اړتیا ولري.
د دوی په خبره، د کتابونو اصلاح ته د لیکوالانو په ګډون خپرندويه ټولنې هم چمتو دي.
د خپرندویه ټولنو د ټولنې رییس سید عبدالله صاحبزاده وايي: « له ناشیرنو هم زه مننه کوم چې په ډېر ورین تندي باندې که له چا سره یو و، که له چا سره ۱۰و، که له چا سره ۲۰ و، ډېر په اخلاص باندې یې ور تسلیم کړي دي. دغه کتابونه چې په څو کټګوریو تقسیم شوي وو، یوه کټه ګوري په کې داسې وه چې د هغې باید بدیل ورکړل شي، چې هغه ډېرمضر نه وو، بدیل یې ورکړل شي خو په بازار کې لکه څنګه چې معیین صاحب مخکې ذکر کړه، که بعضې عنوانونه یې اصلاح شي او د چاپ اجازه هم ورته ورکړل شي، خو که اصلاح نه شي هغه هم په بازار کې بند شي او په بدل کې د دې کتاب په هغه زموږ د نسل داخلاقو، زموږ د نسل عقایدو، زموږ د نسل د نظرونو خلاف و، نو د هغو په بدل کې موږ ته دوی قرآن عظیم شان او د قرآن تفسیر راکوي.»
د کتابونو ارزونې کمېسیون کې د خپرندویه ټولنو استازی عبدالودود مختارزاده وايي: « که چېرې دا صنفي مالیه هم معاف شي ډېره ښه خبره ده. هغه کتابونه چې په ګمرکونو کې واردېږي او ټولنې ته ګټه لري، که چېرې پرې مالیه وا نخیستل شي خو ډېره ښه ده.»
د یادونې وړ ده چې د اطلاعاتو او فرهنګ وزارت د تازه راټولو شویو کتابونو په بدل کې بیهقي کتاب خپرولو ریاست ، ټولو هغه کتاب پلورنځیو او خپرندویو ټولنو ته چې د کمېسیون له لوري ممنوعه کتابونه ورسره دي اوس مهال
