مجاهد د اسلامي امارت له غړو وغوښتل،چې یو پر بل دې پردې نه اچوي او هغه کسان دې مسوولینو ته په نښه کړي،چې نا اهله وي.
مجاهد زیاته کړه:« که چیرې مو پر یو بل پرده اچوله،بې ځایه مراعتونه مو کول او په نارواوو باندې مو سترګې پټولې،بیا به دغه حالت کې چې اوس موږ او تاسو یو او پاک صف دی،پاک مجاهدین دي بیا به دغه حالت سره شړیږي او خرابیږي به.»
د ملي دفاع وزارت سرپرست له سرتیرو وغوښتل،چې هېوادنۍ مینه دې زړه کې وساتي او دا دې نه هیروي،چې اسلامي امارت د یوه نظام په توګه د خلکو د امنیت ساتنې تر څنګ بېلابېلو برخو کې د خدماتو وړاندې کولو مسوولیت لري.
