روان کال لومړیو دریوو میاشتو کې له دوه سوو زیاتو کسانو سره صلیب ته د مصنوعي غړو اچولو لپاره مراجعه کړې.
د دوه زره اتلسم کال په پرتله دوه زره نولسم کال کې د جګړو له کبله زیاتو ښځو سور صلیب ته د مصنوعي لاسونو او پښو لپاره مراجعه کړې.
د سره صلیب مالومات ښيي چې تېر کال له څلور سوه زیاتو ښځو ته مصنوعي لاسونه او پښې اچولې او د روان کال درې میاشتو کې یې یو سل او دیارلس ښځو ته مصنوعي لاس او پښې اچولي دي.
سور صلیب چې د افغانستان اوه ولایتونو کې فعالیت کوي په اوسط ډول اتلس زره کسانو ته مصنوعي غړي برابروي.
داسې ښکاري چې د تېرو کلونو په پرتله د جګړې قربانیانو شمېر زیات شوی دی.
د سره صلیب مالومات ښيي چې د سږ کال درې میاشتو کې له سلو زیاتو ښځو د مصنوعي پښو او لاسونو لپاره سره صلیب ته مراجعه کړې.
سور صلیب ټولنې ویلي (( ۲۰۱۸م کال کې ۴۳۵ میرمنو، ۱۵۸ هلکانو او۱۰۱ نجونو د مصنوعي لاس او پښې لپاره مراجعه کړې، د ۲۰۱۹م کال لومړیو ۳ میاشتو کې بیا ۱۱۳ ښځو، ۷۷ هلکانو، ۳۴ نجونو مراجعه کړې چې لوړوالی ښيي.))
سور صلیب د افغانستان په اوه ولایتونو کې فعالیت لري او ممکن زیات قربانیانو بیخي مراجعه نه وي کړي.
له جګړې هاخوا طبعي او قصدي پېښو هم ځینې معلول کړي، سور صلیب ته د رڼا په نوم یوې انجلۍ هم مراجعه کړې، چې مشرې خور یې په وهلو وهلو معلوله کړې ده.
دا یواځې د سره صلیب ثبت شوي مالومات دي چې ثبت کړي یې دي، داسې سلګونه نورې پېښې شته چې نه دي ثبت شوي او قربانیانو مراجعه نه ده کړې چې مصنوعي لاس او پښه واچوي.
