جوزجان کې وسله والو طالبانو شاوخوا درې سوه افغان سرتېري کلابند کړي دي.
د جوزجان درزاب ولسوالۍ د سیمه اییز پولیسو قومندان نصرت الله ویلي، کلابند سرتېرو کې د ملي اردو، ملي پولیسو، ملي امنیت او د سیمه اییزو پولیسو سرتیري شامل دي.
دغه سرتیري په درزاب ولسوالۍ کې د انتن په نوم پوسته کې کلابند دي چې د قومندان نصرت الله په خبره، د غره په لوړه کې بند پاتې دي او حکومت یې د خلاصون لپاره تر اوسه کوم اقدام نه دی کړی.
شمال کې د شاهین قول اردو ویاند حنیف رضايي بیا ويلي، د هوا له ښه کېدو سره سم به دا سرتېري له د هوا له لارې شبرغان ته انتقال کړي او یا به اکمالات ور ورسوي.
بل پلو طالب ویاند ذبیح الله مجاهد پر خپل ټویتر لیکلي، د جوزجان مردیان ولسوالۍ کې اووه افغان سرتېري دوی ته تسلیم شوي دي.
