د ډاکتر شریف الله شینواري وراره او د شفیق الله زوی اتلس کلن نهضت الله شینواری د روان ۱۴۰۰ کال د وري یا حمل په ۲۴ مه تښتول شوی لا هم نه دی موندل شوی.
د احمدشاه بابا مېنې دولسم بلاک د ګذر وکیل محمد یونس وایې نهضت الله د وسله والو تښتوونکو له لورې خپل کورته څېرمه د یو دوکان له مخې وتښتول شو .
د ګذر وکیل وایې هغه مهال چې تښتوونکو نهضت الله تښتوو د مرستې غوښتنه یې کړې وه خو څوک نه و بریالي شوي چې هغه وژغوري.
عیني شاهدان وایې، لا هم د نهصت الله د موندلو کوم څرک نه دی مالوم .
له هېواده د بهرنیو ځواکونو په وتلو سره د جګړې پراخېدو سربیره جنایي پېښې هم د پام وړ ډېرې شوي چې خلک یې ژر تر ژره د مخنیوي او راکمولو غوښتنه کوي.
