Skip to content
د شاهین قول اردو پخواني قوماندان جنرال خان الله شجاع تېره ورځ په دهدادي ولسوالۍ کې د مزار ښار پر دفاعي لیکو د طالبانو بریدونو سره هممهاله د ناروغۍ رخصتي اخیستې او کابل ته راغلی.
د جګړې په اوج کې کابل ته د شاهین قول اردو د قوماندان تګ یو لړ شکونه او اندېښنې هم پیدا کړې وې.
د بلخ والي فرهاد عظیمي وایي، کابل ته د شاهین قول اردو د پخواني قوماندان تګ او همدا راز مزار کې د قول اردو د لوا د قوماندان ټپي کېدو سره پر دفاعي لیکو کې یو لړ ستونزې رامنځته شوې وې.
فرهاد عظیمي وایي، اوسمهال بېرته وضعیت کنټرول شوی او امنیتی ځواکونه له مزار ښاره پر دفاع بوخت دي.
په داسې حال کې، چې د مزارشریف ښار لویدیځ لور ته له تېرو دوه ورځو راهیسې د دولتي ځواکونو او طالبانو تر منځ سخته جګړه روانه ده؛ په همدې حال کې تورنجنرال ذبیح الله مومند د شاهین قول اردو د نوي قواماندان په توګه وټاکل شو.
