ځايي سرچینې وايي چې پېښه تېره ورځ د فاریاب ولایت د اندخوی ولسوالۍ په اړوند کې د دوه موټرونو د ټکر له امله رامنځته شوې ده.
د اندخوی ولسوال، سلطان محمد سنجر شمشاد ته وویل چې دغه ترافیکي پېښه د یوه سراچه ډوله او هایلکس موټر د ټکر له امله رامنځته شوې چې پایله کې یې د سراچې موټر پنځه سورلۍ وژل شوي او د هایلکس موټر څلور تنه سورلۍ ټپیان دي.
د فاریاب د ملکي روغتون یوه ډاکټر هم شمشاد ته ومنله چې روغتون ته پنځه مړي او څلور ټپیان ور وړل شوي دي.
