بهرنیو چارو وزارت هغه دیپلوماتان له دندې ګوښه کوي چې په واسطو مقرر شوي.
بهرنیو چارو وزارت د اصلاحاتو بسته ارګ ته سپارلې او له ولسمشر یې لارښوونه ترلاسه کړې چې ګمارنې دې د وړتیا په اساس وشي، نه د اړیکو په اساس.
بهرنیو چارو وزارت به اوس هغه سلګونه دیپلوماتان له دندو لیرې کړي چې په اړیکو ګمارل شوي او د دندې وړتیا نه لري.
د اصلاحاتو هغه بسته چې ارګ ته سپارل شوې، دوه کلونو کې به دې وزارت کې پراخ اصلاحات راشي.
بلاخره بهرنیو چارو وزارت هغه طرحه یا بسته نهایي کړه چې د اصلاحاتو په تړاو ورته د ولسمشر له لوري لارښوونه شوې وه، د دې طرحې اساس په وزارت کې اصلاحات جوړوي، داسې اصلاحات چې ګمارنې باید د وړتیا په اساس وشي نه د اړیکو په اساس.
د بهرنیو چارو سرپرست وزیر ادریس زمان له ولسمشر محمد اشرف غني سره تر لیدنې وروسته خبري کنفرانس کې د دې بستې په تړاو رسنیو ته مالوماتو ورکړل.
بهرنیو چارو وزارت کې د ځینو بستونو له منځه وړل هم د دې بستې برخه ده او دغه راز هیڅ ډول سیاسي لاسونه به پکې نه کیږي.
بهرنیو چارو وزارت ډاډه دی چې دا طرحه به وزارت راژوندی او بې ضرورته کسان او نماینده ګۍ به کمې شي.
د بهرنیو چارو وزارت د جوړښت د تحول، د اقتصاد محوره بهرني سیاست، د قوانینو او طرزالعملونو او بهر مېشتو افغانانو ته د خدماتو وړاندې کولو په اړه په څلورو محورونوکې د یاد وزارت اصلاحي بسته له اړوندو ادارو او د ملي شورا د بین المللي اړیکو کمېسیونو سره په سلا جوړه شوې ده.
