بلېنکن: له افغانستان سره بشردوستانه مرستو ته دوام ورکوو 

د امریکا متحده ایالتو بهرنیو چارو وزیر انټوني بلېنکن ویلي، له افغانستان سره بشر دوستانه مرستو ته دوام ورکوي او پر وینا یې  لا هم د امریکا متحده ایالت د افغانستان تر ټولو ستر مرستندویه هېواد دی.

بلنېکن ویلي، له تیرو شلو کلونو لومړی ځل دی،چې امریکايي سرتیري د وژل کیدو لپاره افغانستان ته نه لېږل کېږي.

بلینکن دا د امریکا حکومت ستره لاسته راوړنه بللې،چې په خبره یې عسکر یې د افغانستان په ځای د نوي کال جشن په امریکا کې نمانځي.

د  بهرنیو چارو وزیر بلېنکن دا هم ویلي،دوی بریالي شول،چې د ناټو شل کلن ماموریت پای ته ورسوي.

هغه د تخلیې ماموریت یادونه هم کړې،چې په خبره یې زرګونه له ګواښ سره مخ افغانان یې واېستل.