بزګر احمد شاه وايي: « سږکال د پنبې حاصلات ښه دي، کال ګرم وو او له همدې امله يې غوټۍ ښې وغوړېدې او حاصل يې زيات شو.»
یو بل بزګر سيف الدين بیا وايي:« ما تېر کال پنبه نه وه کرلې،خو سږ کال چې ګورم د پنبې حاصل ښه دی، موږ بې ځايه شوو او په نوي ځای کې مې پر لږ ځمکه پنبه وکرله او حاصل يې زما له توقع سره سم دی.»
بلخ کې د پنبې يو شمېر سوداګر تمه لري،چې سږ کال به په شمال زون کې د پنبې حاصلات له شپېته زره ټنو څخه لوړ وي.
په شمال زون کې تر لاسه شوې پنبه پر کوردننه د کارېدو تر څنګ پاکستان، هند، چين او د منځنۍ اسيا هېوادونو ته هم صادرېږي.
