Skip to content
افغان ولسمشر محمد اشرف غني نن سهار د یوه لوړپوړي حکومتي پلاوي په مشرۍ د بلخ مرکز مزارشریف ښار ته رسېدلی دی.
ارګ وايي، ولسمشر به په دغه سفر کې د دې ولایت ملکي او نظامي مسوولینو، سياسي او جهادي مشرانو، قومي مشرانو او دغه راز متنفذینو سره جلا جلا لیدنې ولري.
له بل لوري سرچینې بیا وايي، چې ولسمشر به شمال زون کې د عملیاتو د همغږۍ یو مرکز هم په مزارشریف کې پرانیزي.
دا په داسې حال کې ده، چې پرون شپه د جنبش ګوند مشر عبدالرشید دوستم هم له لسګونو تازه دمو ځواکونو سره مزار ښار ته رسېدلی دی.
ولسمشر غني په داسې مهال بلخ ته ځي، چې په تېره یوه اونۍ کې په شمال او شمال ختیځ کې طالبانو سرپل، جوزجان، سمنګان، کندز، بغلان، تخار او بدخشان ولایتونه سقوط کړي دي.
