د بغلان ولایت د جلګې او برکې ولسوالیو امنیه قوماندانان او پنځه سرتېري د طالبانو برید کې ووژل شول.
د بغلان ولایتي شورا غړی فیروزالدین وايي، دواړه قوماندانان د جلګې ولسوالۍ ګدري سیمه کې د جګړو لیکو ته روان وو، چې د طالبانو برید کې له پنځو نورو افغان سرتېرو سره یو ځای ووژل شول.
د ولایتي شورا غړی وايي، برید کې ۱۵ نور افغان سرتېري ټپیان شوي هم دي.
په دغه جګړه کې طالبانو ته هم درنه مرګ ژوبله اوښتې ده، خو طالبانو بیا په دې اړه رسنیو ته څه نه دي ویلي.
