که څه هم د تېر حکومت د ملي دفاع وزارت سرپرست بسم الله محمدي د کابل ښار له مقاومت پرته طالبانو ته پرېښی، خو اوس یې تازه ګواښونه دادی، چې د طالبانو له شره به افغانستان خلاص کړي.
د افغان حکومت ډیری لوړ پوړي چارواکي طالبانو سره یو ځای شوي، یو شمېر یې ګاونډیو هېوادونو ته تښتېدلي، چې په دې ډله کې د ا حمد شاه مسعود دوه وروڼه، کریم خلیلي، استاد محقق، د عطامحمد نور زوی خالد نور، صلاح الدین رباني، میر رحمان رحماني او محمد یونس قانوني د شمال ټلوالۍ هغه څېرې دي، چې د طالبانو پر ضد یې پخوا جګړه کړې ده.
په ټولنیزو رسنیو نیوکه همداده، چې یادو کسانو به وخت ناوخت د پاکستان پر ضد غږ پورته کاوه، خو اوس ښکاره شوه، چې همدوی د پاکستان د ګټو لپاره کار کاوه.
