بریټانیا یوځل بیا افغان نجونو ته د زده کړو حق د ورکړې غوښتنه کړې

د بريټانیا د پارلمان غړو له نړیوالې ټولنې غوښتي،چې له اسلامي امارت سره د نجونو د ښوونځيو د پرانېستلو په تړاو خبرې وکړي او افغان نجونو ته باید د زده کړو حق ورکړل شي. 

د یاد هېواد د پارلمان غړو په افغانستان کې د نجونو ښوونځیو پر تړلي پاتې کېدو اندېښنه ښودلې او ویلي یې دي،چې په دغه هېواد کې شااوخوا ۸۵۰ زره نجونې له ښوونځیو محرومې شوې دي.

په ورخت وخت کې  د ملګرو ملتونو عمومي منشي انټونیو ګوتېریش هم په نړۍ کې د ښځو او نجونو لپاره د برابرو حقونو د ورکړې غوښتنه کړې ده.

په همدې حال کې د قطر د بهرنیو چارو وزارت بیا په یوه خبرپاڼه کې د افغانستان د پوهنې له بهیره پر ملاتړ ټينګار کړی دی.