د برازیل ساو پاولو،ریو ډي جینیرو او برازیلیا کې ښارونو کې لسګونه زره کسان لاریونونه کړي دي.
لاریونوالو د ولسمشر ژایر بولسونارو د استیضاح او د کورونا وبا ضد واکسینو ته د لاسرسي د پراختیا غوښتنې کولې.
دغه راز لاریونونو کې ډېری لاریونوالو ټولنیز واټن نه وو مراعت کړی؛ خو د لاریون ډېر شمېر ګډونوالو بیا ماسکونه تړلي ول.
برازیل کې تر اوسه پورې د ټول نفوس یوازې ۹،۴ وګړي بشپړ واکسین شوي او دا هېواد همدارنګه اوس مهال د وبا له درېیمې څپې سره مخ دی.
دا لاریون داسې مهال کېږي،چې ولسمشر ژایر بولسونارو د کورونا وبا پیل په لومړیو کې دا ناروغي ډېره کمه ګڼلې وه، له عادي زکام سره یې پرتله کړې وه او تدابیرو مراعت هڅې یې سبوتاژ کړې وې.
د مالوماتو له مخې،په برازیل کې پر کورونا وبا د اخته کسانو شمېر له ۱۶ میلیونو لوړ شوی او څه باندې ۴۴۰ زره کسان ترې مړه شوي دي.
