ایراني عالم احمد مسعود ته؛ نور د خلکو له پارولو ډډه وکړه

په ایران کې یو مخکښ سني مذهبه عالم له احمد مسعود غوښتي، چې نور باید د خلکو له پارولو ډډه وکړي او له طالبانو سره یو ځای دې د پر ځان بسیا افغانستان لپاره کار وکړي.

دغه ایراني عالم مولوي عبدالحمید اسماعیل زهي ویلي، طالبانو تغیر کړی، افغانستان کې د طالبانو واک ته رسېدو باندې خوښ دی او په خبره یې دا یو اصیل خوځښت دی، چې د یوه غوره اصلاحي نظام لپاره کلونه مبارزه شوې ده.

نوموړي احمد مسعود ته په خطاب کې ویلي، بله لاره نه ده ورپاتې او کولی شي له طالبانو سره خبرو ته کېني او ارام ژوند غوره کړي.