په افغانستان کې د ملګرو ملتونو د بشري مرستو د همغږۍ دفتر یا اوچا وايي، یاد کسان د جګړو او فقر له امله بېځایه شوي دي.
د اوچا په خبره ، دا کسان اوس د هېواد په بېلابېلو سیمو کې خواره شوي دي.
د راپور پر اساس دغه کسان په کندهار، هلمند، زابل، نیمروز، فراه، هرات، بادغیس، غور، ارزګان،ننګرهار، کونړ، لغمان، پروان، پنجشېر، بغلان، سمنګان، بلخ، جوزجان، بدخشان، کندز او تخار ولایتونو کې بېځایه شوي دي.
اوچا زیاته کړې، د بېځایه شوو کسانو۲۰ سلنه نارینه، ۲۱ سلنه ښځې او پاتې ۵۹ سلنه یې ماشومان جوړوي.
د افغانستان کډوالو او ستنېدونکو چارو وزارت د مالوماتو له مخې، تېرو دوو میاشتو کې په کندهار، بغلان، هلمند او یو شمېر نورو ولایتونو کې هم د جګړو له امله شااوخوا ۸ زره کورنۍ بېځایه شوي دي.
