د دغه کسانو له ډلې يې، یو هم حمیدالله او صاحب شاه دي، چې همدې تېرو میاشتو کې يې اقتصادي حالت خراب شوی دی.
دوی وايي، هېچا يې لاسنیوی نه دی کړی او نه هم د خپلو لاسي کراچیو په واسطه د کورنۍ سرپرستي کولی شي.
عبدالباقي بیا د لوګر ولایت اوسیدونکی دی، وایي، څو میاشتې کیږي،چې د مزدورۍ او کار لپاره کابل ته راغلی دی، خو د خراب اقتصادي وضعیت له کبله ټوله ورځ ۵۰ یا ۱۰۰ افغانۍ ګټي.
دی وایي، د کار ظرفیت لري، خو که اسلامي امارت ورته د کار زمینه برابره کړي.
هغه زیاتوي:« کله کار پيدا کېږي او کله نه. د ورځې ۵۰ یا ۱۰۰ افغانۍ ګټم. له ډېرو ستونزو سره مخ یم. له اسلامي امارته مې غوښتنه دا ده،چې خلکو ته د کار زمینه برابره کړي.»
باور دا دی،چې اسلامي امارت په هغه ژمنه تر اوسه پورې نه دی برلاسی شوی،چې بې روزګارو ته د کار زمینه پيدا کړي او د دغه حالت مخه ونیسي.
خو په ځلونو د حکومت لوړرتبه مشرانو وویلي، د لویو پروژو په پيل او تطبیق سره به دېرو خلکو ته د کار زمینه برابره کړي.
