.د پاکستان لومړي وزیر سره امریکا کې د تمې خلاف چلند شوی
عمران خان چې د یو لړ مهمو مسایلو د بحث لپاره امریکا ته تللی امریکايي چارواکي یې ښه راغلاست ته نه دي ورغلي.
د افغان سولې لپاره هڅې د سیمې هېوادونو تر منځ اوس په یوې سیالۍ اوښتي چې پاکستان په کې خپله ونډه غوښینه غواړي.
تازه عمران خان د ورسره پلاوي سره امریکا ته رسیدلې خو د امریکايي چارواکو له لوري له عمران خان سره شوی چلند د یو عادي کس په څیر و نه د یو هېواد د لومړي وزیر په توګه.
ټاکل شوې چې عمران خان به د د ریو ورځو لپاره امریکا کې وي البته د سپینې ماڼۍ خوب به نه ویني واشنګټن کې د پاکستان سفارت یې د شپې تیرولو یواځنی ځای دی.
افغان تحلیل کوونکي وایي د افغان سولې په تړاو د پاکستانیانو خبرې یوازې د افغانانو لپاره د بدو پایلو زیری دی او پاکستان بیا هم یوازې د خپلو ګټو خوندي کولو لپاره امریکا سره د افغان سولې او ترهګرۍ پر وړاندې د مبارزې په هکله غږیږي.
شاوخوا یو کال کیږي چې عمران خان د پاکستان لومړی وزیر ټاکل شوی، خو امریکا ته یې دا لومړنی رسمي سفر دی.
افغان سوله، ترهګرۍ سره مبارزه، او د پاکستان د سوداګرۍ ځينې مسایل ددغه سفر د بحث موضوعات ښودل شوي دي.
د پاکستان له لومړي وزیر عمران خان سره د امریکايي چارواکو تازه چلند دا ښيي چې د پاکستان په وړاندې فشارونه تر دې هم زیات دي چې اټکل یې کیده، لومړي وزیر عمران خان ته دا د خبرداري زنګ دی چې که غواړي له نړیوالې ټولنې سره پل واخلي نو په تیرو پلونو دې نه ځي.
