امریکا: که طالبان خپلو ژمنو ته وفادار پاتې نه شي، منزوي به شي

د امریکا د بهرنیو چارو وزیر انتوني بلینکن ویلي، په راتلونکي کې له افغانستان سره د امریکا هر ډول چلند او اړیکې د هغه ژمنو پورې اړوند دی، چې طالبانو ورسره کړي دي.

انتوني بلینکن ویلي، له ترهګرۍ سره مبارزه، د افغانستان خاوره د نورو خلاف نه کارول او د افغانانو د اساسي بشري حقونو په ځانګړې توګه د ښځو حقونو ساتل هغه ژمنې دي، چې طالبانو کړي دي.

بلینکن تېره ورځ یوه خبري کنفرانس ته ویلي، که طالبان په ټولو ژمنو عمل وکړي امریکا به ورسره تعامل ولري او که عمل ونه کړي نو په وینا یې د طالبانو د منزوي کولو لپاره به له هرې ممکنې لارې کار واخلي.